75 миллион теңге жымқырды: «Алматы Су» директорының үкімі өзгертілді

«Алматы Су» коммуналдық кәсіпорнының күрделі құрылыс басқармасының бұрынғы директоры М. Жолдыбаевқа қатысты сот үкімі өзгертілді, деп хабарлайды Orda.kz.

Антикордың мәліметінше, Жолдыбаев 5 жылға бас бостандығынан айырылды. Сонымен қатар, оған коммерциялық және қаржы ұйымдарында басшылық қызметпен айналысу құқығы 5 жылға шектелді.

Бұған дейін, 9 қаңтарда Алматы қаласының Бостандық аудандық соты оның үкімін жариялаған болатын.

«Ол орындалған жұмыс актілеріне кедергісіз қол қою және қаланың кәріз жүйелерін күрделі жөндеу, сумен жабдықтау бойынша мемлекеттік сатып алу келісімшарттары арқылы бюджет қаражатын заңсыз аудару мақсатында кәсіпкерден 75 миллион теңге жымқыруға оқталғаны үшін кінәлі деп танылды», деп хабарлады Антикор.

Үкім жарияланғаннан кейін Жолдыбаев сот залында қамауға алынды. Апелляциялық соттың шешімімен үкім заңды күшіне енді.