7178 контрабандалық зергерлік бұйымдар әкелмек болған азамат ұсталды

Қаржылық мониторинг агенттігінің Астана қаласы бойынша қызметкерлері елорданың халықаралық әуежайында Ыстамбұлдан Қазақстанға салмағы 28 келіден асатын 7178 контрабандалық зергерлік бұйымдарды әкелмек болған азаматты ұстады.

ҚМА баспасөз қызметінің мәліметінше, бұл факт Еуразиялық экономикалық одақтың кедендік шекарасы арқылы өткізуге шектелген тауарларды, заттар мен құндылықтарды өткізу ережелеріне қайшы келеді. Олар үшін өткізудің арнайы ережелері белгіленген.

Мамандар декларацияланбаған «зергерлік бұйымдардың» жалпы кедендік құны 560 миллион теңгеден асқанын айтты. Экономикалық контрабанда фактісі бойынша қылмыстық іс сотқа жолданды.