700 мыңнан астам НКВД мен КГБ құжаттары құпиясыздандырылды – Айдос Сарым

Бурабайда өтіп жатқан Ұлттық құрылтайда мәжіліс депутаты Айдос Сарым ел ішіндегі идеологиялық мәселелерді көтерді, деп хабарлайды Orda.kz.

Оның айтуынша, жаңа идеологияның қажеттілігі – белгілі бір тарихи кезеңнің аяқталғанын көрсетеді.

«Идеология – саясат пен мәдениетті жалғайтын арна. Мемлекет басшысының бастамасымен бұл бағытта бірқатар маңызды қадамдар жасалды. Соның бірі – мұрағаттарды ашу процесі. 700 мыңнан астам НКВД мен КГБ құжаттары құпиясыздандырылды. Соңғы үш жылда зұлмат кезеңге қатысты мыңдаған тарихи құжат жарияланып, ғылыми айналымға енді», – деді Айдос Сарым.

Сондай-ақ, депутат кез келген қайшылықты бейбіт жолмен шешуге мүмкіндік беретін мәдениет қалыптастырудың маңыздылығын атап өтті.

«Алдағы жылдары қазақ ешкімді жау санамайтын идеологияны ұстануы керек. Идеология біреуден кек алу үшін жасалмайды. Негативті мотивация – түптеп келгенде қоғамды тұйыққа тірейді», – деді ол.