70 мың қазақстандық зейнетақы төлемдеріне қол жеткізді

115 мыңнан астам қазақстандық зейнетақы жинақтарының бір бөлігін мерзімінен бұрын алуға өтініш білдірді. Өтініштердің жартысынан көбі мақұлданды, деп хабарлады ORDA.

Бұл туралы Ұлттық банктің басшысы Ерболат Досаев үкімет отырысында мәлімдеді.

«12 ақпандағы жағдай бойынша 1855,9 млрд теңгеге 115 608 өтінім қабылданды. Оның ішінде 78 374 өтінім 423,6 млрд теңгеге мақұлданды», - деді ол.

БЖЗҚ 75 186 өтініш бойынша біржолғы зейнетақы төлемдерін 408,2 млрд теңге сомасына аударды.

«Азаматтар алынған жинақтардың 87%-ын тұрғын үй мәселелерін шешуге жұмсауға ниетті:

• оның 45,5% - тұрғын үй сатып алуға;
• 28,3% - ипотекалық несие бойынша қарызды өтеуге;
• 10,5% - «Отбасы» банкінде ипотека алуға;
• 2,3% - жеке тұрғын үй құрылысын салуға, ипотеканы қайта қаржыландыруға, сатып алу құқығымен жалдау шарты бойынша қарызды өтеуге және басқа мақсаттарға жұмсамақшы», - деді Досаев.