«7 күннің ішінде көлікті өткізуі керек»: Ақсуат халқы Ринат Зайытовқа көлік сыйлады

Мәжіліс депутаты Ринат Зайытовқа Абай облысы Ақсуат ауданының тұрғындары көлік мінгізді. 

Бұл туралы кәсіпкер Дулат Тастекей өзінің instagram парақшасында жариялады.

Желіде жылдам тараған бейнежазбада Зайытовтың су жаңа көлік алып жатқаны және риза болған депутаттың сырт киімін елге бергенін көруге болады. Тастекеевтің айтуынша, бұл сыйлық Ақсуат өңірінің дамуына қосқан үлесі үшін депутатқа халықтың берген сыйы. Алайда заң бойынша депутат арнайы берілген сыйлықты 7 күннің ішінде өткізуі керек. Зайытовтың осы көлікті заң бойынша Қаржы министрлігінің Мемлекеттік мүлік және жекешелендіру комитетінің аумақтық бөліміне тапсыру үшін жеті күн уақыты бар.