«7 адам қаза тапты»: Ауғанстанда болған жер сілкінісі Қазақстанның оңтүстігіне жетті

Бүгін, 3 қараша күні түнде Қазақстанның оңтүстігінде жер сілкінді, деп хабарлайды Orda.kz. 

Төтенше жағдайлар министрлігінің «СБЗҰҒО» ЖШС сейсмикалық станциялар желісі 3 қараша күні Астана уақытымен 01:29-да жер сілкінісін тіркеді. Жерасты дүмпулерінің эпицентрі Алматы қаласынан 1079 шақырым оңтүстік-батыста, Ауғанстан аумағында орналасқан.

Жер асты дүмпуі Шымкент қаласында — 2 балл, Түркістан облысы, Мақтаарал ауданы, Мырзакент ауылында — 2 балл, Жетісай қаласы мен Шардара қаласында да — 2 балл болып сезілді. 

Айта кетейік, Ауғанстанның солтүстігінде болған 6,3 балдық жер сілкінісі кемінде 7 адамның өмірін қиды. Тағы 150 адам жараланды. Бұл туралы жергілікті билік хабарлады. 

Дүмпу ошағы Мазари-Шариф қаласының маңында 28 шақырым тереңдікте тіркелді. Елді мекенде шамамен 523 мың адам тұрады. Табиғи апат үйлерді және жергілікті мешітті қиратқан. Құтқару қызметтері апаттың ауқымы мен жапа шеккендердің санын анықтап жатыр.

Еске салайық, SpaceX зымыраны Оңтүстік Кореяның бесінші тыңшы спутнигін орбитаға шығарды.