«7-20-25» ипотекалық бағдарламасы жалғасады

Ұлттық банк ипотекалық несиелендіру бағдарламасын одан әрі жүзеге асыру туралы айтты

Президент тапсырмасы бойынша «7-20-25» ипотекалық несиелеу бағдарламасын жүзеге асыру жалғасады. Бұл жаңалық Ұлттық Банк Басқармасының 2022 жылғы 19 желтоқсандағы № 123 қаулысымен қабылданды.

Бағдарлама аясында 2023 жылы несиелендіруге 100 млрд теңгеге дейін бөлу жоспарлануда. Бағдарлама бойынша жылдық несиелендірудің нақты көлемі банктердің нарықтағы ипотекалық өнімдерінің болуына және дамуына байланысты болады деп болжануда.

Азаматтарды жеңілдетілген несиемен көбірек қамту мақсатында бағдарламаны жүзеге асырудың белгілі бір шарттары қайта қаралды. Атап айтқанда, бір қарыз алушы бағдарламаға бір реттен артық  қатыспайды.

«Бағдарлама аясында берілетін ипотекалық тұрғын үй заемдарының параметрлері өзгеріссіз қалды (ең төменгі бастапқы жарна, несиенің ең жоғары сомасы, сыйақы мөлшерлемесі, несие беру мерзімі, өңірлер бойынша сатып алынатын тұрғын үйдің шекті құны)»  делінген Ұлттық банк таратқан хабарламада.

Қазақстанда 2022 жылғы 22 желтоқсандағы жағдай бойынша 852,2 млрд теңгеге 64 146 жеңілдетілген несие берілді.

Бағдарлама 2018 жылы жұмыс істейтін азаматтарды 20% бастапқы жарнамен 25 жылға дейін жылдық 7% жеңілдетілген, қолжетімді ипотекамен қамтамасыз ету мақсатында іске қосылды.