«61 кг есірткі»: Шымкентте ірі наркозертхана табылды

2024 жылғы 11 шілдеде Шымкент қаласының прокуратурасы басшылығымен Ұлттық қауіпсіздік комитетінің басқармасы Түркістан облысында синтетикалық наркотиктер өндіретін жасырын зертхана қызметін тоқтатты.

Бұл туралы Шымкент қаласының прокуратурасы хабарлады.

Іздестіру шаралары барысында Шымкент қаласының екі тұрғыны қолға түсті. Тексеру барысында 60 килограмнан астам психотроптық заттар мен 2,5 тонна прекурсорлар, сондай-ақ синтетикалық есірткі өндіруге арналған жабдықтар тәркіленді.

Осы факті бойынша ҚК 297-бабының 3-бөлігіне сәйкес алдын ала тергеу басталды.

Еске сала кетейік, осы қылмыстық құқық бұзушылық үшін 15 жылға дейін бас бостандығынан айыру жазасы бар.