600 миллиард теңгенің ақшасы мен заңсыз мүлкі мемлекетке қайтарылды

Мемлекет басшысы Сыбайлас жемқорлыққа қарсы іс-қимыл агенттігінің төрағасы Олжас Бектеновті қабылдады.

Мемлекет басшысы елімізде сыбайлас жемқорлыққа қарсы іс-қимыл бойынша қабылданып жатқан шаралар туралы баяндаманы тыңдады.

Олжас Бектеновтың айтуынша, ағымдағы жылдың 11 айында 600 миллиард теңгеден астам сомаға заңсыз алынған мүліктік активтер мен қаражаттың мемлекетке қайтарылуы қамтамасыз етілді. Сондай-ақ, елімізде және шетелде жалпы сомасы 360 миллиард теңгеден астам жылжымайтын мүліктер, автокөліктер мен қаражаттар орнатылып, жақын арада мемлекет меншігіне қайтарылады.

Мемлекет басшысының тапсырмасы бойынша Сыбайлас жемқорлыққа қарсы қызмет тергеп жатқан қылмыстық істер бойынша тәркіленген қаражат қазірдің өзінде мектеп құрылысына бағытталды. Мәселен, Ақтөбе ӘКК-не қарсы қозғалған қылмыстық іс аясында кінәлілер 197 миллион теңге шығынды өтеген. Бұл қаражаттың негізгі бөлігі ауыл мектебінің құрылысын аяқтауға бағытталған.

Сондай-ақ Мемлекет басшысына сыбайлас жемқорлық қылмыстарының  алу шаралары туралы ақпарат берілді.

Агенттік төрағасы хабарлағандай, көліктік бақылау, жер қойнауын пайдалану, мемлекеттік қорғаныс тапсырысы салаларына, сондай-ақ көші-қон қызметі, әлеуметтік-кәсіпкерлік корпорациялар мен «Қазақстан темір жолы» АҚ қызметіне сыртқы талдау аяқталды. Талдау нәтижесінде сыбайлас жемқорлық тәуекелдерін жою бойынша екі мыңнан астам ұсыныс дайындалды.