60 жас мерейтойын тойлаған аудан әкіміне қатаң сөгіс жарияланды

Жамбыл облысы Байзақ ауданының әкімі Бақыт Қазанбасов карантин кезінде 60 жас мерейтойын тойлағаны үшін дауға қалды.

Бұл туралы Orda.kz хабарлады.

Бақыт Қазанбасов іс-әрекетіне түсініктеме беріп, Жамбыл облысы әкімінің  2021 жылғы 3 тамыздағы №173-Ж/Қ өкімімен қатаң сөгіс түріндегі тәртіптік жаза алды.

Белгілі болғандай, Қазанбасов той туралы білмеген. Оны жақындары тосынсый ретінде ұсынған. Ол құттықтауларды қабылдай сала, үйіне қайтқан. Әкімді құттықтауға 38 адам жиналған.

Жамбыл облыстық санитарлық-эпидемиологиялық бақылау департаментінің 2021 жылғы 27 шілдедегі №24-29-7-12/1440-И санды хатына сәйкес Б. Қазанбасовқа ҚР Әкімшілік құқық бұзушылық кодексінің 425-бабымен 87 510 теңге көлемінде айыппұл салынған.

Еске салсақ, жақында Қарағанды облысында карантинде той жасаған жер қатынастары басқармасының басшысы қызметінен босатылды.