6 жылдан соң елге оралған Ермек Нарымбайды полиция ұстап әкетті

2016 жылдан бері Украинада тұрып жатқан саяси белсенді Ермек Нарымбайды бүгін, 6 ақпанда таңғы сағат 7-де Киевтен Алматыға ұшып келді.

Азаттықтың мәліметінше, оны әуежайдың күту залына жеткізбей полиция алып кеткен. Алматы қалалық ішкі істер департаментіне әкеткені жайлы құқық қорғаушы Ғалым Ағелеуов хабарлады.

Ермек Нарымбайды әуежайдан күтіп алуға 50-ге жуық адам барған. Жиналғандар әуежайдың күту залында Ермек Нарымбайға бостандық талап етіп ұрандатты.

Еске салайық, Ермек Нарымбай Қазақстанға әлеуметтік желі арқылы хабарлаған.

– Жақында Алматыда боламын. Билікпен пен қоғам арасында диалог болады деп сенемін, ақ ту ұстап барамын. Балаларыммен кездесуге мүмкіндік бола ма, жоқ па, білмеймін, - деп жазды ол.