6 шілдеде Қазақстан-Қытай шекарасындағы өткізу бекеттері жұмыс істемейді

6 шілдеде Қазақстан-Қытай шекарасындағы автомобиль өткізу бекеттері жабылады, деп хабарлайды ҚР Қаржы министрлігінің баспасөз қызметі.

Мемлекеттік кірістер комитеті Астана күнін мерекелеуге байланысты өткізу пункттерінің жұмысы тоқтатылатынын ескертті. Теміржол бекеттері әдеттегідей жұмысын жалғастырады.

«Тасымалдаушылар мен шекараны кесіп өткісі келетіндердің барлығынан белгіленген шектеулерді ескере отырып, өз бағытын алдын ала жоспарлауды сұраймыз» делінген хабарламада.