6 мамырдан бастап Нұр-Сұлтанда қытайлық екпе алуға болады

6 мамырдан бастап Біріккен Араб Әмірліктерінде Hayat-Vax деген атпен шығарылған қытайлық Sinopharm вакцинасы Нұр-Сұлтан тұрғындары үшін қол жетімді.

Бұл туралы «Нұр-Сұлтан» қоғамдық денсаулық сақтау басқармасының басшысы Тимур Мұратов мәлімдеді, деп хабарлады Orda.kz.

– Қазір департамент қоймаларына қытайлық Sinopharm өндірушісінен 7400 доза вакцина жеткізілді, - деді Тимур Мұратов елорда әкімдігінің онлайн-брифингінде.

Қала тұрғындары үш екпені таңдай алады, ал екпе салдыру бұрындағыдай ерікті болып қалады.

Сонымен қатар, бөлім бастығының айтуынша, Нұр-Сұлтандағы қоймалар қазақстандық QazVac вакцинасының 6000 дозасын қабылдаған.