57 млн теңге жымқырған қазақстандық Швециядан қайтарылды

Қазақстандық азамат бөтеннің мүлкін аса ірі көлемде жымқырғаны үшін Швеция Корольдігінен экстрадицияланды, деп хабарлайды Orda.kz. 

Ол 2015–2020 жылы Шымкенттегі сауда орталығында жұмыс істеп жүріп, 57 миллион теңгеге жуық қаражат жымқырған. 

Қылмыс жасағаннан кейін күдікті Швецияға қашып кеткен. Ол осы жылдың ақпан айында ұсталған. 

Ер адамға 7 жылдан 12 жылға дейінгі мерзімге бас бостандығынан айыру түріндегі жаза қарастырылған.