568 кәсіпорынның жұмысшыларға жалақы берешегі бар

Жұмыс берушілердің жалпы қарызы 3 млрд 223,9 млн теңгеге жеткен.

2022 жылғы 1 тамыздағы жағдай бойынша республиканың 568 кәсіпорнында мемлекеттік еңбек инспекторлары 14,2 мың қызметкерге 3 млрд 223,9 млн теңгеден астам жалақы берешегін анықтады, деп хабарлады ҚР Еңбек министрлігінің баспасөз қызметі.

Кәсіпорын басшыларына 505 міндетті ұйғарым шығарылып, 85,5 млн теңгеден астам сомаға айыппұл салынды.

Нәтижесінде 11,9 мың қызметкер ақшасын алып, оларға 2 млрд 850 млн теңге еңбекақы төленді.