56% қазақстандық екпе алуға дайын

BISAM Central Asia социологиялық және маркетингтік зерттеулер орталығы қазақстандықтардың коронавирустық вакцинаны қабылдауға қаншалықты дайын екендігін анықтау үшін сауалнама жүргізді.

Вакцинацияға 56% қазақстандық дайын болса, 28%-ы түбегейлі қарсы. Ал 16% -ына жауап беру қиынға соққан.

Gallup International қауымдастығының басқа елдерде жүргізген сауалнамаларының көрсеткішінше, егер дәрі-дәрмек қол жетімді, қауіпсіз және тиімді болса 47 аймақ респонденттерінің 67% -ы коронавирусқа қарсы вакцина алуға дайын.

Оңтүстік-Шығыс және Оңтүстік Азия елдері тұрғындарының көпшілігі вакцина қабылдауға дайын. Олардың ішінде: Вьетнам - 98%, Оңтүстік Корея - 88%, Тайланд - 87%, Үндістан - 85%, Малайзия - 84%.

Ковид-19 салдары ең қатты әсер еткен елдерде вакцинацияға дайындық жоғары: Италия - 64%, АҚШ - 66%, Ұлыбритания - 74%.

«Зерттелген посткеңестік мемлекеттердің вакцинацияға деген көзқарастары Қазақстанға қарағанда едәуір жақсырақ. Тиісті көрсеткіш бойынша Украинада - 65%, Қырғызстанда - 66%, Әзірбайжанда - 67%, Грузияда - 74% халық вакцинацияға қарсы емес», - делінген зерттеуде.