«55 млн жымқырылды»: Балалар спортына қатысты заң бұзушылықтар анықталды

Қаржылық мониторинг агенттігі Қызылорда облысында балалар спортына қатысты заң бұзушылықтарды анықтады, деп хабарлайды Orda.kz. 

Балалар шығармашылығы мен спорт саласында қызмет көрсететін 81 кәсіпкерлік субъектісінің қызметіне байланысты бірқатар заң бұзушылықтар тіркелді. Тергеу мәліметтері бойынша, күдіктілер кәсіпкерлерден өздерінің сенімді тұлғалары арқылы 55 миллион теңгеден астам қаражат алған.

Сонымен қатар спорттық жабдықтардың талаптарға сәйкес келмеуі, балалардың келуін есепке алудың бұзылуы, бейнебақылау жүйелерінің толық сәйкес келмеуі және спорт секцияларына баратын балалардың қауіпсіздігін қамтамасыз ету шаралары жасалмаған. 

Аталған факт бойынша тергеу жүргізілуде. Сот күдіктіге қатысты үйқамақ түріндегі бұлтартпау шарасы тағайындады.