55 млн теңге жиналған беташарға қатысты тың дерек

Жаңа түскен келіннің сәлеміне 55 миллион теңге жиналған беташардың бейнежазбасы әлеуметтік желілердегі түрлі парақшаларда таралып, қызу талқыға түскен еді. Әлеуметтік желіде бұл ақшаға қатысты тың дерек пайда болды.

Тойдың Түркістан облысында өткені белгілі болды. Танымал журналист Гүлмира Әбіқай Facebook парақшасында жазба жариялады. Желіде жарияланған хатқа сәйкес, той жасаған жігіттің бұл екінші әйелі екені айтылды.

– Сәлеметсіз бе? Бұл біздің ауылдың 1994 жылғы баласы. Екінші рет үйленіп жатыр. 55 млн теңге ақша түсті дейтіндей ол «Qnet» компаниясында жұмыс істейді. Нұргүл деген кітапханашы көрші әйелге 1 млн теңге несие алғызған. Бұл халықтың көз жасының ақшасы, пиар үшін жасалған. Біз Түркістан облысы, Түлкібас ауылы, Кемербастау ауылында тұрамыз. Ауылға жексұрын болған, - делінген хатта.