50 мың теңгелік диплом: Ақтөбеде колледж директоры құрықталды

Ақтөбеде сот студенттерге дипломдық жұмыстарды емін-еркін сатып келген колледж директорына үкім шығарды, деп хабарлайды Orda.kz. 

Студенттерге дипломдық жұмыстарды сатқан әйел 2,5 жылға бас бостандығын шектеу жазасына кесілді. 

Гүлбану Тәкішева Ақтөбе гуманитарлық-техникалық ALT колледжінің директоры, ол өткен жылдың көктемінде Антикордың тергеуіне ілікті. Мәлім болғандай, түлектер дипломдық жұмыстар үшін 50 мың теңгеден төлеген. Колледж директорының орынбасары бұл туралы сыбайлас жемқорлыққа қарсы ведомствоға шағым түсіргеннен соң барлығы анықталды.

Қылмыстық іс қыркүйек айында сотқа түсті, сот процесінде оқу орнының басшылығы мен оқытушылары куәгер ретінде сөз сөйледі. Прокурор Тәкішеваға 7 жыл бас бостандығынан айыруды сұрады. Мемлекеттік айыптаушы бұл қылмыс ауыр санатқа жататынын және қоғамға зиян келтіретінін мәлімдеді. Тергеу нұсқасына сәйкес, Тәкішева қызметтік өкілеттігін пайдаланып, түлектерден «жалпы қамқорлық» үшін қорқыту арқылы ақша жинаған. 2024 жылдың наурызында ол сырттай оқитын студенттерге дипломдық жұмыстары үшін 50 мың теңгеден төлеу керектігін хабарлаған 30 мың теңге оқытушыларға, ал 20 мыңы өзіне арналған. Заңсыз алынған жалпы қаражат 2 млн 470 мың теңге.

Нәтижесінде сот оны қылмыстық кодексінің 253-бабы 4-бөлігі, яғни «коммерциялық пара беру» бойынша кінәлі деп тауып, 2,5  жылға бас бостандығын айыру үкімін шығарды. Сонымен қатар, қосымша жаза ретінде оған жыл сайын 100 сағат мәжбүрлі еңбек өтеу міндеттелді.  Сондай-ақ, колледж директоры дипломдық жұмыстарды сату арқылы алған 2 миллион теңгені мемлекет кірісіне аударуы куерек. Дегенмен ол сот үкіміне келіспейтінін мәлімдеді.

Автор: Ардақ Ерубаева