50 мыңнан астам адам Тбилисидегі митингте Саакашвилиді босатуды талап етті

Тбилисидің орталығындағы алаңға 50 мыңнан астам адам жиналып, Грузияның экс-президенті Михаил Саакашвилиді босатуды талап етті.

Бұл туралы Orda.kz «Грузия-Онлайн» сайтына сілтеме жасап хабарлайды.

Акцияға аймақтардан бірнеше ондаған мың адам келді. Кейбір мәліметтер бойынша, митингке 70-80 мың адам жиналды.

Акция «Мтавари» оппозициялық арнасының бас директоры және Саакашвилидің адвокаттарының бірі Ника Мелияның Саакашвилидің хабарын оқығанынан басталды. Экс-президент ел жұртшылығын татуласуға және бірігуге шақырды. Сондай-ақ, ол оппозицияны 30 қазанда «Ұлттық қозғалыс» кандидаттарына дауыс беруге шақырды. Олар 1 қазанда жергілікті сайлауда дауыс беру нәтижесінде Грузияның барлық ірі қалаларында екінші турға шықты.

«Адамдар өте көп келіп жатыр. Мен мұндай адамдар тобын ешқашан көрмеген сияқтымын. Көптеген адамдар 35 жастан асқан. Зейнеткерлер де көп», – деп жазды қолданушы Twitter-ге оқиға орнынан.

Пайдаланушының айтуынша, митинг аптаның басында өткізілуі керек еді. Бірақ ол Батумидегі қайғылы жағдайға байланысты кейінге қалдырылды.

Таңертең олигарх Иванишвили шошқа түрінде бейнеленген парақшалар бүкіл қала бойынша қабырларға ілінді. Парақшаларда оппозиция бейнесімен сайтқа апаратын qr коды болды.

Иванишвили, қолданушы жазғандай, жеккөрушіліктің ортақ нысаны болып табылады. Өйткені оның ресми түрде «Грузин арманына» (билеуші партия) ешқандай қатысы жоқ. Бірақ іс жүзінде оған ешкім сенбейді.

Естеріңізге сала кетейік, Саакашвили 1 қазанда Тбилисиде ұсталды. Содан бері ол руставия түрмесінде жазасын өтеп жатыр. Соңғы сегіз жыл ішінде – Грузияда болмаған кезде Саакашвили екі рет сырттай сотталып, алты жылға бас бостандығынан айрылды.

Грузияға оралcа ұсталып, қамауға алынатындығына қарамастан, экс-президент қазіргі билік – «Грузин арманы» партиясымен күресетіндігін айтты. Саакашвили өзін саяси тұтқын деп санайды, ол тұтқындалғанына наразылық білдіріп, аштық жариялады.