50-ден аса басшы жемқорлық бойынша күдікке ілінді

Антикор су тасқынына ақша бөлуде мониторинг жүргізу мәселесін талқылады, деп хабарлайды Orda.kz порталы.

«Өткен кезеңде Сыбайлас жемқорлыққа қарсы қызмет органдарымен 69 талдау және мониторинг жүргізіліп, жемқорлық тәуекелдерін жою бойынша 565 ұсынымдар мен ұсыныстар енгізілді. Жемқорлыққа қарсы еріктілердің қатысуымен өткен алдын алу шараларының арқасында 17 миллиард теңгеден астам қаражатты негізсіз пайдалануға жол берілмеді» делінген хабарламада. 

1 тоқсанда 5 мыңға жуық кәсіпкердің құқығы қорғалғаны мәлімдеді. Залалды өтеу және активтерді қайтару бойынша қабылданған шаралардың тиімділігі де тексерілді.

«Биыл Сыбайлас жемқорлыққа қарсы қызмет 488 қылмыстық құқық бұзушылықты тіркелді. Сыбайлас жемқорлық бойынша 296 адам әшкереленді, оның 59-ы әртүрлі деңгейдегі басшылар. Аяқталған қылмыстық істер бойынша 188 миллиард теңгеден астам шығын өтелді». 

Агенттік төрағасы Асхат Жұмағали өңірлерде су тасқынына қарсы іс-шараларға бөлінетін бюджетті мониторингтеу қажеттігін айта кетті.

«Қаражаттың мақсатты және тиімді бөлінуін қатаң бақылау міндеті бірінші орынға қойылды. Ол бойынша орталық және өңірлік бөлімше басшылары салдарларды жою кезінде бюджет қаржысын жымқыруға жол бермеуге, сондай-ақ мемлекеттік қолдау қаражатын бөлу кезінде кез келген теріс пайдалану мен айла-шарғы жасаудың жолын кесуге бағдарланған. Сыбайлас жемқорлыққа қарсы қызмет басшысы азаматтарға келтірілген залалды өтеуге байланысты алаяқтық пен бопсалаудың ықтимал фактілері бойынша тұрғындардан өтініштер мен хабарламаларды тәулік бойы қабылдауды қамтамасыз етуді тапсырды»