«5 жыл бойы»: Өгей қызын аймалаған ер адамның әрекеті әшкере болды

Атыраудың Ракуша ауылында ер адам өгей қызына 5 жыл бойы жыныстық сипаттағы іс әрекеттерді зорлықпен жасап келгені белгілі болды, деп хабарлайды Orda.kz.

Бұл туралы блогер Рүстем Баязиев өзінің instagram парақшасында айтты. Оқиға Атырау қаласы Ракуша ауылында болған, 1982 жылы туған Аслан Қиззатов атты ер адам өгей қызына зорлық көрсетті деген күдікке ілікті.

Қызға жыныстық сипаттағы, зорлық-зомбылық іс әрекеттерді 12-13 жастан бастап 5 жыл бойы көрсетіп келген. 17 жасар қыздың зорлыққа ұшырап жүргенін нағашы әпкесі әңгіме арасында анықтап алған екен. Ер адам қызға мамасы жоқта анайы әңгімелер айтып мазасын алған. 

Қыздың айтуынша, ең бірінші әрекеті осыдан 5 жыл бұрын басталған, қыздың анасы роддомға кеткенде тиіскен. Осы жағдай 5 жыл бойы жалғасып келген, қыздың қолын алып өзінің жыныс мүшесін ұстататын болған. 

Нағашы әпкесінің айтуынша, ер адамның тұрақты жұмысы жоқ, қыздың анасы күні бойы жұмыста, пәтердің ақысын да, балалардың тамағын да жалғыз әйелдің мойнында екен. Тіпті күйеуіне несиеге көлік те алып берген.

«Бұл 2017 жылы  анашамен ұсталып 5 жылға бас бостандығынан айрылып, үкімінің 3/1-ін отырып шықты, яғни 1 жыл 10 ай. Тұрақты жұмысы жоқ адам, апамның айтуы бойыншы жұмыс жасағысы келмейді. Үйде жатқанды жақсы көреді. Сол апамды жұмысқа шығарып салып, мына қызға білгенін жасап келген екен», – деді қыздың нағашы әпкесі.

2024 жылы ҚР ішкі істер министрлігі статистика және арнайы есептер комитетінің мәліметтерінде кәмелетке толмағандарды зорлау бойынша 97 оқиға тіркелген. Ал оларға осы жыныстық сипаттағы күштеу әрі зорлық-зомбылық бойынша 87 оқиға тіркелді. Он алты жасқа толмаған адаммен жыныстық қатынас немесе басқа жыныстық сипаттағы 138 оқиға тіркелді.

Сондай-ақ, осы қылмыс бойынша сотталғандардың саны бар статистиканы назарларыңызға ұсынамыз.

Orda.kz назарларыңызға 2024 жыл мен 2023 жылғы балаларға қатысты статистикалық деректерді ұсынады.