5-ші Дүниежүзілік Көшпенділер ойындары: Қазақ күресі бойынша финалға шығатындар белгілі болды

5-ші Дүниежүзілік көшпенділер ойындарында қазақ күресінен алғашқы жарыс күнінің финалистері белгілі болды, деп хабарлады Orda.kz. 

Кіл жүйріктер іріктелді. World nomad games мәреге жеткендердің тізімін жариялады. 

«Спортшылар 8 салмақ дәрежесі бойынша өзара мықтыны анықтап жатыр. Бүгін, 9 қыркүйек боз кілемге ерлер 55, 60, 66, 74 келіге дейінгі салмақ дәрежелерінде шықса, әйелдер 48, 52, 56 және 60 келіге дейінгі салмақ дәрежелерінде бақ сынап жатыр»,  деп хабарлады World nomad games.

Назарларыңызға алғашқы жарыс күнінің іріктеу кезеңінің нәтижесін ұсынамыз.

Ерлер:

• 55 кг: Б.Төлепов (Қазақстан)\К.Оболбеков (Қырғызстан);
• 60 кг: Е.Бакшиев (Әзірбайжан)\М.Берекетов (Қазақстан);
• 66 кг: Д.Тұқышев (Қазақстан)\М.Ширинов (Өзбекстан);
• 74 кг: Е.Хасанов (Әзірбайжан)\Ж.Қожамбеков (Қазақстан).

Әйелдер: 

• 48 кг: Л.Асакеева (Қырғызстан)\А.Жылқыбаева (Қазақстан);
• 52 кг: С.Муродова (Өзбекстан)\Н.Азаматова (Қазақстан);
• 56 кг: А.Фатихова (Ресей)\Р.Нұрмахамметова (Қазақстан);
• 60 кг: Б.Құсақбаева (Қазақстан)\С.Лнияни (Польша).

Финалдық белдесулер сағат Астана уақытымен сағат 16:00-де басталды. Қазақ күресінен жарыстар Qazaqstan телеарнасында тікелей эфирден көрсетіледі.

Қазақ күресі бойынша жарыстар Жақсылық Үшкемпіров атындағы жекпе-жек спорт сарайында өтіп жатыр.