5 есірткі зертханасын құрған қылмыстық топ ұсталды

Қылмыстық топты қолға түсіру  барысында топ мүшелерінен  70 келі синтетикалық есірткі мен 3,5 тонна шикізат табылды. Ұйымдасқан қылмыстық топ еліміздің 5 облысында есірткі заттарын сатумен айналысқан.

Трансұлттық қылмыстық топты Қарағанды полицейлері әшкереледі, деп хабарлады Orda.kz.

Есірткі заттарының заңсыз айналымымен шұғылданған  тұлғаларды анықтау және ұстау мақсатында Қарағанды облысы Полиция департаментінің басшылығы арнайы жедел-тергеу тобын құрды.

ҚР ІІМ Есірткі қылмысына қарсы іс-қимыл департаментінің көмегімен Қазақстан Республикасының 5 облысында, яғни әр 5 облыста жұмыс істейтін 5 есірткі зертханасын құруға қатысы бар 10-нан астам ұйымдастырушы  ұсталды.