5-6 сәуір күні ауа райы қандай болмақ?

«Қазгидромет» РМК синоптиктер 5-6 сәуір күндері ауа райының қалай болатындығына болжам жасады, деп хабарлайды Orda.kz порталы.

Еліміздің солтүстік, шығыс және орталығында ауа райы жауын-шашынсыз өтеді. Сондай-ақ күндіз ауа температурасы біртіндеп 15-20 градус Цельсийге дейін көтеріледі деп күтіледі.

«Қазақстанның қалған бөлігінде тұрақсыз ауа райы сақталады, жаңбыр жауып, жел күшейеді, оңтүстік-шығыстың таулы аймақтарында түнде жауын-шашын (жаңбыр қарға айналады) күтіледі. Қазақстанда 6 сәуірде еліміздің оңтүстігінде және оңтүстік-шығысында жаңбыр жауып, найзағай ойнап, бұршақ жауып, екпінді жел соғады, түнде және таңертең Қазақстан бойынша тұман күтіледі» делінген хабарламада.