490 этникалық қазақ елге  оралады

Елге оралғысы келген қандастарды Түрікменстаннан Жаңаөзенге Түркімен темір жолының пойызымен жөнелтеді.

2 маусымда Түркіменстаннан Қазақстанға 490 этникалық қазақ тұрақты тұру мақсатында көшіп  келеді. Мұндай шешімді 11 мамырда Қазақстан елшілігінің өтініші бойынша аурулардың таралуына қарсы күрес жөніндегі төтенше комиссия қабылдады, деп жазады Тurkmen.news

Пойыз Түркіменбашы - Берекет - Серхетяка - Болашақ бағыты бойынша жүреді. «Болашақ» бекетінде түрікмен тепловозы қазақстандық тепловозға ауыстырылады. Соңғы нүкте Маңғыстау облысының Жаңаөзен қаласы болмақ.

2020 жылы 319 адам Түркіменстан азаматтығынан шықты, оның 70-і этникалық қазақтар, деп жазады басылым.

Еске салайық, 2021 жылы этникалық қазақтар Түркіменстаннан туған жеріне екі рет оралды: ақпанда 152 адам, мамырда 256 адам. COVID-19 пандемиясына байланысты шекара жабылғандықтан, адамдар бір жыл бойы елден шыға алмады.