43 мыңнан астам адам үйіне оралды

Қазақстанда су тасқынынан зардап шеккен 43 мыңнан астам адам үйіне оралды, деп хабарлайды Orda.kz порталы.

Бұл туралы ТЖМ өкілі Асқар Шәріп мәлімдеді. 

Атырау облысы бақылауда. Жайық өзеніндегі су деңгейіне мониторинг жалғастырылып жатыр. Су тасқыны жағдайының мониторингі дронның көмегімен жүзеге асырылады. Бөгеттерді нығайту жұмыстары жүргізіліп жатыр. Өткен тәулікте 70 үйден судың бағыты бұрылып, суы сорылды, 202 мың қапшық төселді, - деді ол. 

Осы уақытта республика бойынша 43 015 адам өз үйлеріне оралды. 6 338 адам эвакуациялау пункттерінде.