40 мың теңге: Алматыда такси жүргізушісін өлтірген екі жасөспірім 12 жылға сотталды

Алматыда такси жүргізушісін 40 мың теңге үшін өлтірген екі жасөспірім 12 жылға бас бостандығынан айырылды.

2023 жылдың жазында сотталушылар Г. және Х. пайдакүнемдік ниетпен Шымкент-Алматы бағыты бойынша такси шақыртқан. Соңында олар алдын ала сөз байласу арқылы такси жүргізушісі П.-ны 40 мың теңге көлеміндегі жолақысын төлеуден жалтару мақсатында өлтірген.

Сотталушылар жүргізушіге пышақпен көптеген соққы жасап, оның сол жерде қайтыс болғаны анықталды.
 Одан кейін сотталушылар жәбірленушінің көлігін, 80 мың теңге тұратын ұялы телефонын ұрлап кеткен.

 Прокурор 10 жылға бас бостандығынан айыруды сұрады. Айыпталушылар өз кінәсін мойындамаған.

Алқабилер сотының үкімімен сотталушылар Г. және Х. қасақана адам өлтіргені үшін (ҚК-нің 99-бабының 1-бөлігі бойынша) кінәлі деп танылып, әрқайсысына 12 жылға бас бостандығынан айырылды.

Үкім заңды күшіне енген жоқ.