4 желтоқсанға ауа райы болжамы: тұман түсіп, қарлы боран болады

Синоптиктер 4 желтоқсанға арналған ауа райы болжамын ұсынды.

«Қазақстанның солтүстігінде, шығысында, оңтүстігінде, оңтүстік-шығысында атмосфералық фронтальды бөліктердің өтуімен тұрақсыз ауа райы сақталады - жауын-шашын жаңбыр мен қар түрінде. Солтүстікте, шығыста көктайғақ және қарлы боран соғады, республиканың оңтүстік-шығысында күндіз шаңды дауыл күтіледі. Республиканың кей жерлерінде тұман түсіп, жел күшейеді» делінген Қазгидромет хабарламасында.

Қостанай облысында түнде облыстың солтүстігінде, солтүстік-шығысында көктайғақ, қар соғады. Жел 15-20 м/с күшейеді, облыстың оңтүстігінде тұман.

Солтүстік Қазақстан облысының оңтүстік-батысында түнде тұман, облыстың оңтүстік-шығысында – желдің күші 15-20 м/с күтіледі.

Жамбыл облысында тұман, күндіз облыстың оңтүстік-батысында, солтүстік-шығысында шаңды дауыл. Облыстың солтүстік-шығысында және таулы аймақтарда тұман, желдің күшеюі 15-23 м/с күтіледі.

Павлодар облысының жолдарында көктайғақ, облыстың батысында желдің 15-20 м/с күшеюі, түнде облыстың солтүстігінде тұман күтіледі.

Шығыс Қазақстан облысының жолдарында көктайғақ күтіледі. Облыстың солтүстік жартысында – бұрқасын соғады, түнде облыстың батысында – жел 15-20 м/с күшейеді.

Түркістан облысының таулы аймақтарында желдің жылдамдығы 15-20 м/с күшейеді, түнде және таңертең облыстың солтүстігінде тұман күтіледі.

Батыс Қазақстан облысының солтүстігінде тұман күтіледі, күндіз солтүстік-батыста – жел 15-20 м/с күшейеді.

Атырау облысының оңтүстігінде, шығысында, күндіз облыстың солтүстігінде тұман күтіледі – жел 15-20 м/с күшейеді.

Маңғыстау облысының солтүстігінде тұман күтіледі, күндіз облыстың батысында жел 15-20 м/с күшейеді.

Ақмола облысының солтүстік-шығысында желдің күші 15-20 м/с, облыстың оңтүстік-шығысында тұман күтіледі.

Ақтөбенің оңтүстігінде, батысында, Қарағандының орталығында, Қызылорда облыстарының солтүстігінде тұман күтіледі.

Алматы облысында, Алакөл көлдерінде жел 15-20 м/с күшейеді деп күтілуде.