4 миллиард теңгеге ел тұрғындарын алдап, Қырғызстанға қашып кеткен

Қаржы пирамидасын ұйымдастырды деп айыпталған адам Қырғызстаннан Қазақстанға экстрадицияланды, деп хабарлайды 24.kg.

Қырғызстанның қадағалау органы Қазақстан Республикасы Бас прокуратурасының ұсталған Қазақстан азаматын қаржы пирамидасын жасағаны үшін қылмыстық жауапкершілікке тарту мақсатында экстрадициялау туралы өтінішін қанағаттандырды.

Қырғызстанның бас прокуратурасы ұсталған азаматтың қазақстандықтарға 4 миллиард теңгеден астам материалдық шығын келтіргенін баса айтты.

Әңгіме 2020 жылы алматылықтарды 4 миллиард теңгеге алдап, қашып кеткен QI Trade қаржы компаниясының негізін қалаушы туралы болуы мүмкін.

Компания адамдарға инвестицияның жоғары қайтарымын уәде еткен. 100 адам алаяқтардың құрбаны болды. Содан кейін 26 жастағы алаяқ  құрылтайшыға іздеу жарияланды.