«4 адам қаза болды»: Қостанай облысында жантүршігерлік жол апаты болды

Қостанай облысында жол апатынан 4 адам көз жұмды, деп хабарлайды Orda.kz. 

Қайғылы оқиға кеше, 16 қыркүйекте Қостанай облысындағы Торғай-Арқалық тасжолының 17-ші шақырымында болған. Облыстық полиция департаментінің хабарлауынша, екі ересек адам мен екі бала қаза тапқан. 

Алдын ала мәліметтер бойынша, 38 жастағы Lexus жүргізушісі басып озу кезінде рөлге ие бола алмай, екінші көлікпен соқтығысқан. Оқиға салдарынан Lexus көлігінің жүргізушісі және екі жолаушысы алған жарақаттарынан қайтыс болды. Сол көлікте болған тағы бір жолаушы ауруханада қайтыс болды. Осы факті бойынша полиция қылмыстық іс қозғады.