Ердоған талибандармен ынтымақтастыққа дайын екенін мәлімдеді

Түркия билігі Талибандармен (Қазақстанда тыйым салынған ұйым) достық қарым-қатынас орнатуға дайын.

Бұл туралы Orda.kz хабарлайды.

Түркияның мұндай келісімге дайын екенін ел президенті Режеп Тайып Ердоған мәлімдеді. Оның айтуынша, Түркия ұйымның мәлімдемелерін қолдайды.

Бұған дейін Түркия Сыртқы істер министрлігінің басшысы Мевлүт Чавушоглу Түркияның Ауғанстандағы экономикалық дамуды, тұрақтылықты, бейбітшілік пен тыныштықты қолдауын жалғастыратынын мәлімдеген. Ол содырлардың арнайы өкілдерімен кездесуге дайындалып жатқанын атап өтті.

Бүгін Түркия президенті Режеп Тайып Ердоған аптаның соңында Ресей басшысы Владимир Путинмен Ауғанстандағы жағдайға байланысты келіссөздер жүргізетінін айтты.