«3,8 трлн теңге болатын заң бұзушылық»: Ақмолада аналар мен мүгедектерден заңсыз ақша алынғаны белгілі болды

Ақмола облысының прокуратурасы міндетті әлеуметтік медициналық сақтандыру (МӘМС) саласында ірі заң бұзушылықты анықтады. 13 ұйымды тексеру нәтижесінде есеп бойынша 3,8 трлн теңге сомасындағы қаржы мен активтерді қамтитын заң бұзушылық болғаны анықталды.

Бұл туралы Orda.kz хабарлайды.

Жүргізілген тексерулердің нәтижесінде қызметкерлер көпбалалы аналардан, мүгедектерден және күндізгі бөлімде оқитын студенттерден заңсыз ақша алғаны белгілі болды. Негізінде бұл азаматтар заң бойынша төлемнен босатылған. Алайда олар бір емес, бірнеше рет осылай ақша алып отырғаны белгілі болды.

 Мысалы, көпбалалы анадан 31 243 теңге, ал мүгедек азаматтан 82 306 теңге заңсыз ақша ұстап отырғаны анықталды. Жалпы 436 адамға 60 миллион теңгеден астам ақша қайтарылды.

Прокуратура осы бағытта белсенді түрде шаралар жүргізіп, азаматтардың құқықтарын қорғауды жалғастырып жатыр.