38 адам көз жұмған апат: Ақтаудағы AZAL ұшағына сырттан шабуыл болғаны мәлім болды

Алдын ала тергеу нәтижелері Ақтау маңында апатқа ұшыраған AZALұшағына сырттан шабуыл болғанын растады, деп хабарлайды Orda.kz.

Бұл туралы батыс өңіріндегі Report бюросына AZAL вице-президенті Ильхам Амиров Самух ауданында Ұлттық қаһарман Хокюма Алиеваның туған күніне арналған іс-шарада мәлімдеді.

Оның айтуынша, апатқа ұшыраған әуе кемесінің бүкіл экипажы, соның ішінде Хокюма Алиева, ерлік көрсеткен:

«Бүгін туған күнін атап отырған Ұлттық қаһарман Хокюма Алиева шынымен де үлкен ерлік көрсетті. Әуеде AZAL жолаушылар ұшағы қатты зақымданғанына қарамастан, экипаж әуе кемесін мүмкін болған ең аз шығынмен басқарды. Басқару жүйесі бұзылған ұшақты 1 сағат 10 минут бойы әуеде ұстап тұру – бұл жоғары кәсіби шеберліктің көрінісі. Сондықтан экипаж мүшелерінің ерлігі ерекше мойындауға лайық. Ұшақ апатын тергеу жалғасып жатыр. Алайда тергеу жүргізіп жатқан комиссияның алдын ала қорытындылары әуе кемесінің жұмысына сырттан шабуыл болғанын растады», – деді ол. 

Еске сала кетейік, 25 желтоқсанда Azerbaijan Airlines әуе компаниясының Баку–Грозный бағытындағы Embraer ұшағы Қазақстанның Ақтау қаласына жақын маңда құлаған еді. Ұшақ бортында 62 жолаушы болған: 37 – Әзербайжан, 16 – Ресей, 6 – Қазақстан, 3 – Қырғызстан азаматы және бес экипаж мүшесі. Апат салдарынан 38 адам қаза тауып, оның ішінде үш бала бар 29 адам тірі қалды.