35 жастағы Ақтөбе тұрғыны 119 рет жол ережесін бұзды

Ақтөбеде полицейлер бір айда 119 рет жол қозғалысы ережесін бұзған 35 жастағы әйелді ұстады, деп хабарлайды Orda.kz ҚР ІІМ-ге сілтеме жасап.

Ақтөбе тұрғыны шетелдік нөмірлі Lexus көлігін тізгіндеп, жылдамдықты жүйелі түрде бұзып отырған. Патрульдік полиция қызметкерлері «Қорғау» жүйесін қолданып, құқық бұзушыны ұстады.

Тексеру барысында белгілі болғандай, әйел тамыз айының ортасынан бері 119 жол қозғалысы ережесін бұзып, оған жалпы сомасы 3 378 000 теңге айыппұл салынды.

Көлік тәркіленіп, арнайы тұраққа қойылды.