35 мыңға жуық қазақстандық коронавирустан емделуде — ДСМ

14 қарашадағы жағдай бойынша 34 972 адам КВИ (–29 982+ және 4 990 КВИ-) бойынша ем алуды жалғастыруда, деп хабарлайды ҚР Денсаулық сақтау министрлігі.

Оның ішінде 6 736 науқас стационарда, 28 236 науқас амбулаторлық деңгейде ем қабылдауда. КВИ+ және КВИ- бар науқастардың арасында: 503 науқас ауыр жағдайда, 127 науқас өте ауыр жағдайда, 89 науқас жасанды тыныс алу аппаратында.

Бүгінгі күнгі жағдай бойынша Қазақстан халқын коронавирустық инфекцияға қарсы вакциналау туралы мәліметтер де белгілі болды.

2021 жылдың 14 қарашасында Қазақстанда коронавирустық инфекцияға қарсы бірінші компонентпен 8 533 457 адам, екінші компонентпен 7 811 435 адам егілді.

Сонымен қатар бүгін коронавирустың таралу қарқыны бойынша «сары» аймақтан «жасыл» аймаққа  Алматы мен Шымкент қалалары өтті.