3,5 келі апиын сатты деген күдікпен бес адам ұсталды

Қызылорда облысында 3,5 келі апиын сатты деген күдікпен бес адам ұсталды.

Бұл туралы Ұлттық қауіпсіздік комитетінің баспасөз қызметі хабарлады.

«Ұлттық қауіпсіздік комитетінің Қызылорда облысы және Байқоңыр қаласы бойынша департаменті прокуратураның келісімімен облыстық есірткі жеткізу арнасын жойды. Мәселен, 2024 жылдың наурыз айында Қызылордада 3,5 келі апиын сатпақ болған Қазақстанның бес азаматы ұсталды. Сонымен қатар, қосымша іс-шаралар барысында қарасораны заңсыз өсіретін жасырын зертхана анықталды» делінген хабарламада.

Сот санкциясымен ұсталғандарға қатысты қамауға алу түріндегі бұлтартпау шарасы қолданылғаны хабарланды.

«Қылмыстық кодекстің 300-бабының 2-бөлігі және 297-бабының 3-бөлігі бойынша сотқа дейінгі тергеу амалдары жүргізілуде» делінген хабарламада.