338 715 теңге: Қазақстанда орташа жалақы мөлшері жарияланды

Қазақстанның Ұлттық статистика бюросы елдегі орташа жалақы мөлшерін жариялады.

Ұлттық статистика бюросының деректері бойынша Қазақстандағы жалақының орташа мәні (шағын кәсіпорындарды есептемегенде) 338 715 теңге болды.

2022 жылғы ІV тоқсандағы жалақының орташа мәні (жалақының орталық деңгейі) 204 168 теңгеге тең.

– Орташа жалақыны есептеу кезінде жалақы қоры жұмысшылар санына бөлінеді. Деректерді біз қызметкерлер саны және жалақы қоры бойынша бюроға есеп берген кәсіпорындар мен ұйымдардан келген мәліметтер негізінде аламыз. Деректер кәсіпкерлік қызметпен айналысатын шағын кәсіпорындарды есепке алмай ұсынылғанын атап өту қажет, – деді Бюроның еңбек және өмір сүру деңгейі статистикасы департаментінің директоры Наталья Белоносова.

Өңірлік бөліністе ең жоғары өсім Ұлытау облысында тіркелді (35,2%). Ең төменгі өсім Алматы облысында – 6,5%.