«32 млн»: Науқас балалардың атынан ақша жинаған ер адамның ісі әшкере болды

cover Фото: freepik.com

Әлеуметтік желіде науқас балалардың суретін жариялап, азаматтардан ақша жинаған күдікті құрықталды, деп хабарлайды Orda.kz Polisia.kz-ке сілтеме жасап. 

Ведомство мәліметінше, Шымкент қаласының тұрғыны 32 млн теңгеден астам қаржыны жымқырған. Ол Талғар ауданындағы балалардың еміне қаражат жинауға көмек көрсету сылтауымен инстаграм әлеуметтік желісінде парақша ашқан. 

«Алаяқ әлеуметтік желіде онкологиялық аурумен ауыратын балалардың суреттерін пайдаланып, жалған банк картасы деректемелерін орналастырғаны анықталды. Іздеу жұмыстары нәтижесінде біз күдіктіні, яғни Шымкент қаласының тұрғынын анықтадық. Қазір 32 миллион теңгеден астам сомаға бастапқы шотқа 6 мыңға жуық ақша аударымы жасалғаны анықталды» делінген хабарламада. 


Жаңалықтар

барлық жаңалықтар