«313,9 млн айыппұл»: «Алтай полиметалдары» жұмысын тоқтатты

Қарағанды облысы Қарқаралы ауданының прокуратурасы «Алтай Полиметалдары» ЖШС-нің экологиялық заңнаманы өрескел бұзғанын анықтады.

Бұл туралы Қарағанды облыстық прокуратурасы хабарлады.

Кәсіпорынға 313,9 млн теңге айыппұл төлеуге міндеттелді. Аудан тұрғындары ашық жерге ағынды сулардың төгілуіне байланысты шағымданды. Бұл жағдай тексеру жүргізуге түрткі болды.

Беделді кәсіп орын осыған дейін өз жұмысын жүргізіп келді. Кәсіпорын жайлы бейнежазба youtube арналарында бар.

Жүргізілген сараптама кәсіпорынның мемлекеттік экологиялық сараптамасыз және қоршаған ортаға шығарылатын ластағыштарға рұқсатсыз жұмыс істеп жатқанын көрсетті, бұл Қазақстан Республикасы Экологиялық кодексі талаптарына қайшы келеді. Қарқаралы аудандық сотының шешімімен кәсіпорын кінәлі деп танылып, айыппұл салынды. Сондай-ақ, бұзушылықтар жойылғанға дейін биологиялық тазарту кешенінің жұмысы тоқтатылды.