«31 арнасы» және Informburo.kz сайтының жаңа иесі кім?

«31 арнасы» және Informburo.kz сайтының жаңа иесі жарияланды. Медиаресурстар енді Болат Өтемұратовтың «Верный капитал» компаниясына тиесілі емес, деп хабарлайды Orda.kz.

«Верный капитал» компаниясының 2024 жылдың 2 қазанында жарияланған мәлімдемесінде Қазақстанда алғаш рет ірі медиактивтер иесі ретінде «Әділдік және Өркендеу» қоғамдық қоры аталды.

Бас директор Айдана Ақанованың айтуынша, телеарна мен ақпараттық портал үшін жаңа даму кезеңі басталады.

«2023 жылы медиахолдинг «31»-ден «СТС Медиа» компаниясы шыққаннан кейін, біз бұл активті сатып алуға және одан әрі дамуына кепілдік беруге қабілетті ұйымды іздедік», — деді ол.