300 мың адам зейнетақы жинақтарын мерзімінен бұрын алды

БЖЗҚ-ның хабарлауынша, 300 мыңға жуық қазақстандық мерзімінен бұрын бір реттік зейнетақы төлеу құқығын пайдаланды.

Бұл туралы Orda.kz Sputnik Қазақстанға сілтеме жасап хабарлады.

25 мамырдағы жағдай бойынша 288 мың салымшы зейнетақы жинақтарын өздерінің тұрмыстық жағдайларын жақсартуға жұмсады. БЖЗҚ қазақстандықтардың банктерде - уәкілетті операторларда ашылған арнайы шоттарына 1,3 трлн теңге аударды. Бір реттік зейнетақы төлемдерінің орташа мөлшері 4,7 млн теңгеден асты.

Өтініштердің көп бөлігі Маңғыстау облысы, Алматы, Нұр-Сұлтан тұрғындарынан түскен. Алынған зейнетақы жинақтарының көлемі бойынша көшбасшы Маңғыстау облысы – 346 млн теңге, Алматы – 261  млрд теңге, Нұр-Сұлтанда – 174 млрд теңге.

БЖЗҚ қазақстандықтардың біржолғы зейнетақы төлемдерін өтініш арқылы және басқа да себептер бойынша белгіленген мерзімде пайдаланбауына байланысты салымшылардың жеке зейнетақы шоттарына (ЖЗШ) 132,5 млрд теңге қайтарылғанын атап өтті.

Сонымен қатар, 6 мыңға жуық қазақстандық емделу үшін зейнетақы қорын пайдаланды. Осы мақсаттарға қаражат алудың орташа мөлшері шамамен 1 млн теңге болды.

1415 қазақстандық жеке инвестициялық қорларға 3,2 млрд аударым жасады. Орташа аударым сомасы шамамен 2,3 млн теңге.

Қазіргі уақытта БЖЗҚ төрт инвестициялық портфельдің менеджерімен зейнетақы активтерін сенімгерлік басқару туралы келісім жасады.

2021 жылғы сәуірдің соңында БЖЗҚ-ның зейнетақы активтері 12,6 трлн теңгені (29,5 млрд доллар) құрады.