30 қыркүйектен кейін қандай нөмірлі көліктермен жүруге болмайды?

Салық органдары Қазақстанда 30 қыркүйекке дейін елден шығарылуы тиіс шетелдік автокөліктерге қатысты түсініктеме берді.

Бұл туралы Orda.kz хабарлады.

Мемлекеттік кірістер комитетінің мәліметінше, бұл талап Еуразиялық экономикалық одақ елдерінде тіркелген автокөліктерге қолданылмайды. Сондықтан орыс, қырғыз, армян және беларусь нөмірлері бар автокөлік иелері Қазақстанда бұдан былай да жүре алады.

– Қазақстанда бір жылдан астам уақыт қалған барлық шетелдік машиналар тек біздің елдің аумағынан ғана емес, сонымен қатар Ресейден, Қырғызстаннан, Армениядан және Беларусь аумағынан кетуі керек, себебі бұл елдер ЕАЭО шеңберінде Кеден кодексін бекітті. Оларға уақытша ЕАЭО аумағында кедендік баж төлемей бір жыл ғана жүруге болады.

Алайда, коронавирустық пандемияға байланысты бүкіл әлемде шектеу шаралары енгізілді және шекарадан еркін өту мүмкін болмай қалды. Сондықтан шетелдік көліктердің бір жыл болу мерзімі ұзартылды. Алайда, Еуразиялық экономикалық комиссия кеңесі азаматтарға 2021 жылдың 30 қыркүйегіне дейін мерзімі өтіп кеткен уақытша әкелінген автокөліктерді салдарсыз және айыппұлсыз алып шығуға мүмкіндік берді, - деп түсіндірді салық органдары.

Шетелдік автокөліктерді экспорттауға қойылатын талап ЕАЭО елдерінің бүкіл аумағына - Ресейге, Қырғызстанға, Арменияға және Беларусь мемлекетіне қатысты екендігі айтылды.

– Қазіргі уақытта шетел азаматтары тұрғылықты еліне қайтып оралу үшін шекараны кесіп өтіп, көлікті сол жерге апара алады. Сонымен қатар, егер олар экспортты өз бетінше жүзеге асыра алмаса, тасымалдаушылардың көмегіне жүгіне алады, - деп қосты салық органынында.

30 қыркүйектен кейін салық органдары жол полициясы қызметкерлерімен бірге уақытша әкелу мерзімі өтіп кеткен көліктерді іздей бастайды. Егер заң бұзушылық анықталса, бұл көліктер айыппұлға жіберіледі. Әрі қарай, Қазақстанда автокөлікті уақытша пайдаланған «иесіне» қатысты қажетті шаралар қолданылатын болады.

– Уақытша әкелу мерзімі аяқталғаннан кейін Қазақстанда мұндай көліктің иесі кедендік баж салығын төлеуі тиіс. Оларды мемлекеттік кірістер қызметкерлері есептейтін болады.

Азаматтар сенімхат бойынша ЕАЭО аумағы арқылы Беларусь пен Ресейде тіркелген автокөліктермен жүре алады. Уақытша әкелу шарттары мұндай көліктерге қолданылмайды. Ал Армения мен Қырғызстаннан келген көліктер шетелдіктерге тиесілі емес, - деп еске салды департамент.

Ішкі істер министрлігі атқаратын жұмыстар

Бұл арада Ішкі істер министрлігі Қазақстанға уақытша әкелінген автокөліктерді экспорттауға қойылатын талапты да түсіндірді. Министрліктің мәліметінше, ЕАЭО-дан тыс елдерден автокөлік әкелген шетелдік азаматтар үшін 30 қыркүйекке дейінгі мерзім белгіленеді.

– Бұл ереже ЕАЭО-ға мүше емес елдерден шетелдік азаматтар әкелетін автокөліктерге ғана қатысты. Кеден заңнамасына сәйкес, шетелдік азаматтар ЕАЭО-ға мүше емес басқа елдерде тіркелген автокөліктерді Қазақстанға және ЕАЭО-ның басқа елдеріне уақытша импорттай алады.

Негізінде бұл құқықты Қазақстанда жұмыс істейтін шетелдік азаматтар пайдаланады. 2020 жылы және осы жылы коронавирустың таралуына байланысты елдер арасындағы шекаралар жабылғанын ескере отырып, шетелдік азаматтар ЕАЭО аумағынан уақытша әкелінген автокөліктерді шығара алмады. Осыған байланысты шетелдік көліктердің ЕАЭО аумағында болу мерзімі 2021 жылдың 30 қыркүйегіне дейін ұзартылды, - деп түсіндірді ІІМ Әкімшілік полиция комитеті төрағасының орынбасары Серік Түсіпов.

Соңғы мәліметтер бойынша, Қазақстанда ЕАЭО-дан тыс елдерден шетелдіктер әкелген үш мыңға жуық шетелдік автокөлік бар. Олар Қазақстанда болу мерзімі аяқталғаннан кейін елден тысқары жерлерге шығарылуы тиіс.