30-дан асқан еркектің небары 11 жасар қыздарға жазған хаттарына қатысты Зәкиева пікір білдірді

Блогер Құлпынай Қалменова мен Қолғанат Жұмабаев отбасының төңірегінде жанжал әлеуметтік желіде резонанс тудырды. Бірнеше күн бұрын Қалменова күйеуін педофил деп атап, оның 10-11 жасар қыздармен жазысқан күмәнді хат алмасуларының скриншоттарын көрсеткенін Orda.kz жазған болатын.

Бала құқықтары жөніндегі уәкіл Динара Закиева Instagram парақшасында Құлпынай Қалменованың күйеуінің 10-11 жастағы балалармен хат алмасуы және орынсыз әрекеттері туралы мәліметіне қатысты пікірін білдіріді.

«Осы жағдайға байланысты кеше заңгер мен қоса Құлпынаймен байланысқа шықтық. Біз қалалық прокуратурамен бірге процессуалдық шешім қабылдау мәселесі бойынша жұмыс істеп жатырмыз. Балалардың құқықтарын қорғау үшін уәкілетті органдармен бірлесіп барлық қажетті шараларды қабылдаймыз», – деп мәлімдеді балалар омбудсмені 11 қаңтарда.

Сонымен қатар, Зәкиева қазақстандық ата-аналарды балаларына мұқият болуға шақырды.            

«Әрдайым баланың кіммен сөйлесетінін бақылап, әлеуметтік желілердегі қауіптер мен тәуекелдер туралы айтып отыру керек. Сондай-ақ, 2024 жылдың қыркүйегінен бастап мектептерде енгізілген қауіпсіздік сабақтарында қаралатын тақырыптарды талқылаған жөн. Балалардың қауіпсіздігіне қатысты күмәнді жағдайлар туралы 102 немесе 111 нөміріне хабарлау қажет» деп жазылған жазбада.    

Зәкиева 2024 жылы әйелдер құқықтарын қамтамасыз ету және балалардың қауіпсіздігін қорғау туралы заңға «16 жасқа толмағандарға сексуалдық сипаттағы тиіспеушілік» атты жаңа қылмыстық бап енгізілгенін еске салды. Оның мәліметінше, осы бап бойынша маусым айынан бері 33 қылмыстық іс тіркелген.

Құлпынай Қалменованың айтуынша, қыздардың аналары оған қарсы полицияға арыз жазған. Қолғанат Жұмабаев та әйеліне жала жабу бойынша арыз беруге ниетті екенін мәлімдеді. Ол балалармен сөйлескенде ешқандай арам ойы болмағанын және қыздардың оған барбершопта көмектескенін айтты.    

Алматы қалалық полиция департаментінің ресми өкілі Салтанат Әзірбек барлық фактілердің тексеріліп жатқанын хабарлады. Әзірбектің айтуынша, заңға қайшы әрекеттердің ең төмен белгісі анықталған жағдайда да тиісті процессуалдық шешімдер қабылданады. Оған қылмыстық іс қозғау және тиісті сараптамаларды тағайындау кіреді.      

 30 асқан Қолғанат Жұмабаевтың небары 11 жасар қыздарға қандай сипаттағы хаттар жазғанын мына материалдан толық оқып біле аласыздар.