3 жасар баласын ұрып өлтірген әйелдің сот үкімі шықты

Петропавлда келіншек үш жасар баласын жүйелі түрде соққыға жығып, абайсызда оны өлтіріп алған.

Бұл туралы Orda.kz хабарлады.

Сот 22 жастағы әйелді 10 жыл 5 айға қауіпсіздігі орташа колонияда жазасын өтеуге үкім шығарды.

Еске салсақ, 2020 жылдың 29 желтоқсанынан 2021 жылдың 17 қаңтарына дейінгі аралықта Холешова өзінің кішкентай баласын ылғи таяқтың астына алатын болған.

Петропавлдағы балалар облыстық ауруханасының жансақтау бөлімінде дәрігерлер 2021 жылдың 17 қаңтары мен 27 ақпаны аралығында байғұс қыздың өмірі үшін күрескен, бірақ оны құтқара алмаған.