«3-топтағы мүгедек атанды»: Жоғары сот әйелін сабаған еркектің жазасын өзгеріссіз қалдырды

13 қыркүйекте Ақмола облыстық сотының шешімімен Алтынай Нұрсұлтанованы мүгедек еткен бұрынғы жұбайы, Әсет Аюпов қатаң режимде қалатын болды, деп хабарлады Orda.kz.

Еске сала кетсек, Зеренді аудандық соты 12 шілдеде айыптыны күндіз еркіндікке жіберіп, түнде қамайтын жеңіл жазаға ауыстырмақ болған еді.

Облыстық сот бұл шешімді қайта қарап, оны сол түрмеде ұстай беру керек деген шешім қабылдады.

Адвокат  Жанна Оразбақова сот шешіміне айтарлықтай қарсылығын білдірген болатын:

«Алтынай ұзақ уақыт бойы емделуі керек. Қалпына келу үшін жасайтын алда тағы екі күрделі операциясы бар. Балалар ауыр психологиялық жарақат алды, бұл оқиға олардың көз алдында болды. Кешірім сұраудың орнына, сотталған адам жағдайды одан әрі ұшықтырып жіберді. Оның жәбірленушіге және оның шағымдарына жасаған айыптаулары қорқынышты. Егер біздің шағымымыз болмағанда, ол қазір бостандықта тайраңдап жүрер еді», — деді Жанна Оразбақова.

Оның соққысынан Алтынай үшінші топтағы мүгедек атанды. Ал Әсет Аюпов 6,8 жылға бас бостандығынан айыру жазасына кесілді. Егер жақында қабылданған жазаны жеңілдету туралы соттың шешімі күшіне енсе, қол жұмсағыш күйеу түнде ғана колонияда қалып, күндіз қалыпты өмір сүре беруші еді.