«3 адамды құтқарған марқұм»: Асқар Забикулиннің әріптестері батырдың қызын мектепке апарды

Елордалық ТЖД қызметкерлері өрт сөндіру кезінде ерлікпен қаза тапқан өрт сөндіруші Асқар Забикулиннің қызын 1-сыныпқа алып барды, деп хабарлайды Orda.kz.

Өрт сөндірушілер марқұм болған батырдың қызын мектеп табалдырығын аттаған алғашқы қадамымен құттықтап, гүл шоқтарын табыстады. 

Алғашқы қоңыраудан кейін Асқар Забикулиннің отбасы білім ордасынан шығып, батырдың есімі берілген өрт сөндіру бөліміне барды.

Асқар Забикулин 2022 жылы Астанада үш адамды қызыл жалыннан арашалаймын деп ажал құшты. Ерлікпен қаза тапқан өрт сөндірушіге I дәрежелі «Айбын» ордені берілді.

Еске салайық, Алматының Түрксіб ауданында маусым айында түн ортасында екі үй бірден өртенді. Өрт болған жерден адамның денесі табылды.