296 млн теңге жұмсады: «ҚазАвтоЖол» өкілдері сотталды

«ҚазАвтоЖолдың» Жамбыл облыстық филиалы басшысының орынбасары сотталды, деп хабарлайды Orda.kz.

Антикордың мәліметінше, 2024 жылдың желтоқсанында Қордай аудандық сотының шешімімен «ҚазАвтоЖолдың» Жамбыл облыстық филиалы басшысының орынбасары Д.Төлтаев, «ДорСтрой» ЖШС мердігерлік ұйымы жобасының жетекшісі У.Құрбанов және «Алматы Сапа Инжиниринг» ЖШС техникалық қадағалау сарапшысы Д. Мұсақұл сотталды.

Олар Қазақстан мен Қырғызстан шекерасындағы «Қордай» пунктін салу, кеңейту және реконструкциялау жұмыстарын атқару үшін 296 млн теңгеден астам бюджет қаражатын пайдаланғаны үшін кінәлі деп танылды.

Айыпталушылардың жымқыру ісі орындалмаған жұмыстардың актілеріне қол қою, жұмыс түрлеріне екі есе ақы төлеу, жабдық құнын асыра бағалау мен жеткіліксіз жолдармен жасалған,

Төлтаев пен Құрбановқа тиісінше 10 жыл мерзімге жол-құрылыс жұмыстарымен және құрылыс жұмыстары саласындағы кәсіпкерлік қызметпен айналысу құқығынан айыра отырып, әрқайсысына 8 жыл бас бостандығынан айыру жазасы тағайындалса, Мұсақұл сәулет, қала құрылысы және құрылыс қызметі саласында 10 жыл мерзімге инжинирингтік қызметтер көрсетумен айналысу құқығынан айыра отырып, 7 жылға бас бостандығынан айырылды.

Сот актісі әлі де заңды күшіне енген жоқ.