29 тамыз Жалпыұлттық аза тұту күні болып жарияланды

Жамбыл облысындағы жарылыстарға байланысты 29 тамыз Жалпыұлттық аза тұту күні деп жарияланды. Бұл туралы еліміздің  президенті Қасым-Жомарт Тоқаев Твиттерде жазды.

— Жамбыл облысының Байзақ ауданында адам өліміне әкеп соққан қайғылы оқиғаға байланысты 29 тамызды Жалпыұлттық аза тұту күні деп жариялаймын. Қаза тапқан әскери қызметкерлер мен құтқарушылар шынайы ерлік пен қайсарлық танытты. Олар халықтың жадында мәңгі қалады, - деп жазды Тоқаев.

26 тамызда Жамбыл облысы Байзақ ауданында орналасқан әскери бөлімде 19.00 шамасында қоймалардың бірінің жанында өрт шыққан. Өрт салдарынан әскери қоймада жарылыс болды.

Соңғы мәлімет бойынша жарылыс кезінде қаза тапқандардың саны  13 адамға жетті.