28 жастағы әйел мүгедек кісіні қайыр сұрауға мәжбүрлеген

Көкшетау қаласының 28 жастағы тұрғыны 3 топтағы мүмкіндігі шектеулі жанды қайыр сұрауға мәжбүрлеген. Белгілі болғандай, келіншек ер адамды Өскеменнен алдап әкелген.

Полиция бұл факт бойынша қылмыстық іс қозғалғанын айтты.

«Көкшетауда тұратын әйел 60 жастағы мүмкіндігі шектеулі адамды Өскеменнен алдап әкелген. Сөйтіп, 2021 жылғы мамырдан бастап қазірге дейін күн сайын 8-9 сағат орталық базарға апарып, қайыршылықпен айналысуға мәжбүрлеген. Түскен ақшаның бәрін өзіне алып отырған» дейді Ішкі істер министрлігінің криминалдық полиция департаменті бастығының орынбасары Қанат Нұрмағамбетов.

Қазір ҚР Қылмыстық кодексінің 126-бабы «Пайда табу мақсатында адамды бас бостандығынан заңсыз айыру» бойынша тергеліп жатыр.

28 жастағы күдіктінің кінәсі дәлелденсе, ол 5-10 жылға бас бостандығынан айырылуы мүмкін.